فیس بک اور انسٹا گرام سروس عارضی معطلی کے بعد بحال

کیلی فورنیا: دنیا بھر میں سماجی رابطے کی سب سے بڑی ویب سائٹ فیس بک کی سروس اچانک معطل ہوگئی تھی تاہم کچھ دیر بعد اس خرابی کو دور کردیا گیا جس کے بعد سروس بحال ہوگئی۔

تفصیلات کے مطابق دنیا بھر میں فیس بک کی سروس متاثر ہونے کی مصدقہ اطلاعات موصول ہوئی ہیں، خود فیس بک دنیا بھر میں سروس متاثر ہونے کی تصدیق کی ہے۔

اطلاعات کے مطابق لوگوں نے دنیا بھر سے لوگوں نے کمنٹ کیے جس کے مطابق ویب سائٹ نیویارک، ویت نام، منگولیا، کینیڈا، یو ایس اے، جنیوا، سوئٹزرلینڈ، ڈنمارک، پاکستانی اور دیگر ممالک میں بند ہے۔

فیس بک ترجمان کے مطابق ’کچھ لوگوں نے سسٹم تک غیر قانونی طریقے سے رسائی حاصل کرنے کی کوشش کی جس کے باعث سروس متاثر ہوئی تاہم اب ماہرین نے اس خرابی پر قابو پالیا جس کے بعد سروس بحال ہوگئی۔

خیال رہے کہ امریکی ریاست کیلی فورنیا سے چلنے والی  دنیا بھر کی معروف ویب سائٹ فیس بک کے ڈیڑھ ارب سے زائد صارف ہیں جن کی سب سے زیادہ تعداد ایشیا میں ہے، یہ صارفین فیس بک پر لاگ ان نہیں ہو پارہے جبکہ جو آئی ڈیز پہلے سے لاگ ان ہیں وہ اپنی تصاویر، ویڈیوز اپ لوڈ نہیں کر پاد رہے اور نہ اس وقت کمنٹ کرسکتے ہیں۔